Herri kopurua. Batera plataformak 122 herrietan bozka mahaiak jarriko ditu. Horietarik 90 herritako auzapezek eman diote babesa herri galdeketari.

189.422

Hautesle. Euskal lurralde elkargo baten alde al zira? galderari 189.422 herritarrek erantzuten ahalko diote, erran nahi baita, Ipar Euskal Herriko hautesleen %91,54k.

(...) Ohiko hauteskunde horiez gain, Batera plataformaren bozkatzeko mahaiak 122 herritan izanen dira egun osoan. Lapurdiko, Baxenabarreko eta Zuberoako lau herrietatik hirutan. Euskal lurralde elkargo baten alde al zira? galderari erantzuteko aukera ukanen dute 189.422 herritarrek.
Azken mementoko berrietan, Angeluko (Lapurdi) auzapeza saiatu da udal erabaki baten bidez eragozpenak jartzen galdeketari, baina Baterakoek berretsi dute galdeketa egingo dutela pentsatu bezala.

AHTaren egitasmoak ere ukanen du bere lekua. Proiektuak zeharkatzen dituen 8 herrietan, AHTaren alde ala kontra diren erraten ahalko dute. Herri horietan, Batera plataformaren kontsulta bigarren itzulian, Martxoaren 21ean eginen dute.