Batera plataformak antolatuko du martxoan ospatuko diren hauteskundeetan

BAIONA. Ipar Euskal Herrian lurralde kolektibitate berezitu bat sortzeko herri kontsulta bat antolatuko du Batera plataformak martxoaren 14an eta 21ean, Fran-tziako eskualdeko hauteskundeen egun beretan. Herri galdeketa, ofíziala izango ez bada ere, hauteskunde lege guztiak errespetatuz antolatuko da, eta hauteskunde zerrenda legalak baliatuko dira iruzurrik gerta ez dadin.

Herriz herri sortu diren Baterako lantaldeek dute antolatuko kon-tsulta, eta hainbat herriko etxeren sustengua jaso dute kontsulta bururatu dadin. Azken datuen arabera, Ipar Euskal Herriko 159 herrietatik, 95en herri galdeketa egingo da, hau da, bozkaemaleen %66k herri kontsultan parte hartzeko aukera izango du. 75 alkatek ere sustengua erakutsi diote Bateraren ekimen honi, nahiz eta legez ezin duten antolakuntzan parte hartu, egun berean, Eskualdeko hauteskundeak izango baitira. Euskal Lurralde elkargo baten sor-tzearen alde zara? Galdera hau izango da idatzia herri kontsultako papertxoetan.

Batera platafoma 2002.urtean sortu zen Ipar Euskal Herriaren ezagutza eta berezko instituzio propioak sortzeko xedearekin. Instituzionalki Ipar Euskal Herria existitzen ez denez, azken 20 urteetan Departamendu propio baten alde sortu ziren dinamiken lekukoa hartu zuen Baterak duela zortzi urte (Lapurdi, Nafarroa Beherea eta Zuberoa, Pirinio Atlantikoak departamenduaren barne dira, Biarnoko eskualderekin batera, eta hiriburu instituzional eta politikoa Paue da. Pirinio Atlantikoak departamendua beste lau departamendurekin batera, Akitaniako eskualdea osatzen dute, eta Bordele da hiriburua).

J. Ostolaza

www.noticiasdegipuzkoa.com